english
საღებავები
გრენის კონტეინერები
მოდელები
აბრეშუმის მუზეუმის საღებავების კოლექცია XIX საუკუნის ბოლოსაა შექმნილი. კოლექციაში 144 საღებავია დაცული, რომელთა შორისაა: მცენარეული, ცხოველური, მინერალური და ქიმიური საღებავები სხვადასხვა ქვეყნებიდან და რეგიონებიდან. ქიმიური საღებავები შედარებით გვიანდელია. კოლექციაში შემავალი საღებავები მსოფლიოს 16 ქვეყნიდანაა: ბრაზილია, გერმანია, საფრანგეთი, იაპონიია, ინდოეთი და ცეილონი. ასევე არის კავკასიის ქვეყნებიდან ჩამოტანილი საღებავები. 
 
მუზეუმში დაცულია გრენის - აბრეშუმხვევიას ჭიის კვერცხის, შესანახი და გადასატანი კონტეინერების კოლექცია, რომელიც მოიცავს 125 ეგზემპლარს და სხვადსხვა ქვეყნებიდანაა შემოსული:  იტალია, საფრანგეთი, საბერძნეთი, სპარსეთი, სომხეთი, საქართველო. ძირითადად ნიმუშები განეკუთვნება XIX ს. ბოლოს და XX ს. დასაწყისს. 
ეს კოლექცია მეტყველებს კავკასიის მეაბრეშუმეობის სადგურის საერთაშორისო ეკონომიკური და სავაჭრო ურთიერთობების შესახებ. 
 
ეთნოგრაფიული მაკეტები, როგორიცაა დასავლეთ და აღმოსავლეთ საქართველოს საცხოვრებელი და საჭიე სახლები; საქსოვი დაზგების მოდელები; პარკიდან ძაფის ამოსახვევი სხვადასხვა ხელსაწყოს მოდელები; ჭიის გამოსაკვები თაროების მოდელები იტალიიდან, გერმანიიდან, ავსტრიიდან და საქართველოდან და სხვა.