english
მუზეუმი
მთავარი გვერდი
მთავარი გვერდის ზედა ტექსტი
ბიბლიოთეკა
ავტორები
გამოფენები
ბმულები
პროექტები
ღამის ინტერვენცია
საიტის რუკა
კონტაქტი
ღონისძიებები
განათლება
4 სიცოცხლე
გამოცემები
მარტო ნუ წახვალ     რემედიოს!
ინფორმაცია
"¡No vayas sola     Remedios! / მარტო ნუ წახვალ     რემედიოს!"
უწყვეტი ძაფი
არქივი
სტაჟირების პროგრამა
აბრეშუმის მუზეუმი - 130
 


 
აბრეშუმისადმი მიძღვნილი მსოფლიოში ერთ-ერთი უძველესი მუზეუმის დანიშნულებაა აბრეშუმის წარმოების და გამოყენების მრავალფეროვანი შესაძლებლობების წარმოჩენა და გამოფენებისა და საგანმანათლებლო პროგრამების დახმარებით აბრეშუმის პოპულარიზაცია.

 
   
სურათები: აბრეშუმის სახელმწიფო მუზეუმი
  აბრეშუმის სახელმწიფო მუზეუმის ფოტო არქივი
  ქართული ტექსტილის ჯგუფის (GTG) ფოტო არქივი
  გ. ჩანადირი
   
დიზაინი: ნინო ჩაჩხიანი
  ორგანიზაციები:

Georgian Textile Group (GTG)

European Textile Network

Georgian Museums Association
ICOM Georgia


Black, Caspian Seas and Central Asia Silk Association (BACSA)

მუზეუმები:

China National Silk Museum

China Silk Museum, Hangzhou, China

Suzhou Silk Museum, Suzhou, China

Macclesfield Silk Museum, Macclesfield, GB

Yokohama Silk Museum, Yokohama, Japan

Tensan Silk Museum, Hotaka, Japan

Museum didattico della Seta, Como, Italy

National Silk Art Museum, Weston, Missouri, USA

Textile Museum, Washington, DC, USA

Textilmuseum St.Gallen, Switzerland
       
"ღამის ინტერვენცია" 31.08.2016 - 20:00-22:00 სთ

 “ღამის ინტერვენცია” პირდაპირი გამოძახილია აბრეშუმის მუზეუმის არქიტექტურაზე, მის ისტორიასა და დანიშნულებაზე. ხელოვანებმა, მუზუემის ‘პეტიტ შატლეს’ ბუნებით ინსპირირებულებმა, შექმნეს ობიექტები, რომლებიც ერთი შეხედვით დაშლის ზღვარზე მყოფ შანდელიერებს, ძველ სარკეებსა თუ ბუხრის თავებს მოგვაგონებენ და მათით წარმოსახულ, დაკარგული ნივთების ჩანაცვლებას ცდილობენ. სხვადასხვა ფერის სანთლით დაფარული ტოტებით, სამშენებლო ნანგრევებს მიმსგავსებული პიგმენტირებული თაბაშირის ბლოკებითა და დაფერილი მარლით შექმნილი ობიექტები ორ ურთიერთსაწინააღმდეგო პოლუსს შორის - ბუნებრივსა და ადამიანის მიერ შექმნილს შორის მერყეობენ, თავად აბრეშუმის წარმოების პროცესის მსგავსად. გამოფენის გახსნის ნაწილი იქნება სამი პერფორმერი - უტა ბექაიას სკულპტურულ კოსტუმებში - რომლებიც ასევე მოქმედებასა და სტატიურ სკულპტურაზე ტრადიციული შეხედულებების ახლებურ გააზრებას ითხოვს.
უტა ბექაიას და ლევან მინდიაშვილის პირველი ერთობლივი პროექტი შედგა ნიუ იორკში, The Lodge Gallery-ში, 2016წ. “ღამის ინტერვენცია” ხელოვანების მეორე ერთობლივი პროექტია.
   



    Silkmuseum.tbilisi@gmail.com    
აბრეშუმის მუზეუმი 2016 წლის ოქტომბრის თვიდან იწყებს ახალ საგანმანათლებლო პროგრამას სპეციალურად  მეოთხე კლასელებისთვის. ეს არის თემატური პროგრამა, რომელიც ეფუძნება სასკოლო პროგრამაში გათვალისწინებულ თემას - მწერის სასიცოცხლო ციკლი. 

აბრეშუმის პეპელა, როგორც მწერების ერთ-ერთ წარმომადგენელს ახასიათებს სიცოცხლის ოთხეტაპიანი ციკლი. 

პროგრამის ფარგლებში სკოლებს აქვთ შესაძლებლობა მოაწყონ გასვლითი გაკვეთილი მუზეუმში, აგეცნონ აბრეშუმის პეპლის სასიცოცხლო ციკლს ვიზუალურ მასალასთან ერთად და ჩაერთონ სახალისო-შემეცნებით აქტივობაში. 

პროგრამის ღირებულება 2 ლარი 



   
 

არტ-ინტერვენცია მუზეუმში

No vayas sola, Remedios! / მარტო ნუ წახვალ, რემედიოს!

 

 

"No vayas sola, Remedios!" ("მარტო ნუ წახვალ, რემედიოს!") მხატვრისა და თიხის არტისტის ლია ბაგრატიონისა და კურატორის მაგდა გურულის თანამშრომლობის შედეგია. გამოფენა, რომლის მოსამზადებელი სამუშაოები 2016 წლის 15 ოქტომბერს დაიწყო, აბრეშუმის სახელმწიფო მუზეუმში შემუშავებული და განხორციელებული გრძელვადიანი პროგრამის "არტ-ინტერვენცია მუზეუმში" ბოლო პროექტია. ის ხორციელდება "სამხრეთ კავკასიის ხელოვნებისა და კულტურის რეგიონული პროექტის" ფარგლებში და მის მართვას უზრუნველყოფს კულტურისა და მენეჯმენტის ლაბორატორია სამხრეთ კავკასიის შვეიცარიის თანამშრომლობის ოფისის (SCO) ფინანსური მხარდაჭერით.

სახელოვნებო ინტერვენცია აბრეშუმის სახელმწიფო მუზეუმში 2016 წლის მარტიდან მიმდინარეობს. პროგრამის მიზანია მუზეუმის კონტექსტით განპირობებული ახალი, ადგილის სპეციფიკიდან გამომდინარე მულტიმედიური ინსტალაციის შექმნა და სამუზეუმო სივრცეში ხელოვანისა და კურატორის თანამშრომლობის ხელშეწყობა.

"No vayas sola, Remedios!" ("მარტო ნუ წახვალ, რემედიოს!") აბრეშუმის სახელმწიფო მუზეუმში 2017 წლის 28 იანვარს გაიხსნება და 18 თებერვლამდე გასტანს (მისამართი: თბილისი, გიორგი ცაბაძის ქუჩა #6).

"No vayas sola, Remedios!" აქცენტს თიხის სახეცვლილების შედეგად მიღებულ საბოლოო პროდუქტსა და ამ პროდუქტის შექმნის პროცესზე აკეთებს. თიხის მეტამორფოზას მაყურებელი მუზეუმის ერთ-ერთ დარბაზში განთავსებულ ვიდეოპროექციებზე ნახავს (ვიდეო: ტატო კოტეტიშვილი). მათ შორის ერთი ვიდეო მუზეუმში, ხოლო მეორე ლია ბაგრატიონის სახელოსნოში ჩატარებული პერფორმანსის მხატვრული დოკუმენტაციაა.

ექსპოზიცია ცდილობს, მაყურებელს თიხის სახეცვლილების ყველა ეტაპი აჩვენოს დაწყებული საწყისი მასალის - თეთრი თიხის დამუშავებიდან და დასრულებული იმ საბოლოო პროდუქტით, რომელიც მუზეუმის ცენტრალურ დარბაზშია გამოფენილი. აქ მაყურებელი სამუზეუმო სივრცეში სუბვერსიული ინტერვენციის მცდელობას - რამოდენიმე გამოღებულ, ცარიელ საგამოფენო კარადასაც ნახავს. ვიდეოპერფორმანსში ხაზგასმულია მსგავსება ხელოვანის სხეულს, აბრეშუმის ჭიის პარკსა და საბოლოო ობიექტს შორის. სპეციალურად პროექტისთვის შექმნილი გრძელი კაბა (დიზაინერი: გოლა დამიანი), რომელიც მხატვარს მუშაობისას აცვია, ერთი მხრივ მოდის ინდუსტრიაში აბრეშუმის გამოყენებას ეხმაურება, მეორე მხრივ კი მხატვრის თიხასთან შეხების საკრალურობას უსვამს ხაზს. 

   
არტ-ინტერვენციის ბოლო პროექტის, არტისტ ლია ბაგრატიონისა და კურატორ მაგდა გურულის ერთობლივი გამოფენის   "¡No vayas sola, Remedios! / მარტო ნუ წახვალ, რემედიოს!" დახურვა შედგება 18 თებერვალს 18:00 საათზე.
  იანვარი

ქართული ტექსტილის ჯგუფის (GTG) პროექტი კამარა II
2008 წლის აგვისტოს მოვლენების შედეგად დევნილთა მიერ შესრულებული ნამუშევრების გამოფენა.





 
2017 წელს აბრეშუმის სახელმწიფო მუზეუმი აღნიშნავს დაარსებიდან 130 წლის იუბილეს. ამ ღირსშესანიშნავ თარიღთან დაკავშირებით მაისის თვეში, მუზეუმების საერთაშორისო კვირეულის ფარგლებში იგეგმება არაერთი მნიშვნელოვანი ღონისძიება: გამოფენა, კონფერენცია და სხვა აქტივობები. ამ მოვლენას ეძღვნება TC2 ჟაკარდის ვორქშოფი: "უწყვეტი ძაფი." ვორქშოფის პროგრამა და სააპლიკაციო ფორმა იხილეთ ქვემოთ:



 
აბრეშუმის სახელმწიფო მუზეუმში იწყება სტაჟირების 3 თვიანი პროგრამა შემდეგ მიმართულებებში: 
  • ფონდების მართვა 
  • ბიბლიოთეკა 
  • საგანმანათლებლო პროგრამები  
საბუთების მიღება გრძელდება 22 მარტამდე.  დეტალური ინფორმაციისთვის გთხოვთ ეწვიოთ ქვემოთ მოცემულ ბმულს: 

http://hr.ge/ViewVacancy.aspx?ID=177672
 
აბრეშუმის მუზეუმში 18-19 მაისს გაიმართება მუზეუმის 130 წლის იუბილესადმი მიძღვნილი საერთაშორისო კონფერენცია   "ტრადიცია და ინოვაცია". 
საერთაშორისო კონფერენციის მიზანია თვალი გადაავლოს აბრეშუმის ისტორიას, იმ ეპოქას როდესაც იგი დაარსდა და შემდეგ უკვე წარსულის გააზრებით ისაუბროს თანამედროვეობაზე.  კონფერენციის მეორე დღე სრულად დაეთმობა უცხოელ არტისტებს და სხვა სტუმრებს.  დეტალური პროგრამა: 

https://www.docdroid.net/vYN2nmZ/-.pdf.html