english
შენობა
შენახვის პირობები და სათავსები
აღრიცხვა და ექსპერტიზა
მუზეუმის შენობა, კულტურული მემკვიდრეობის ძეგლი, საგანგაშო მდგომარეობაშია და მოითხოვს გადაუდებელ დახმარებას. 2002 წელს მიწისძვრის შედეგად წარმოქმნილი მრავლობითი ბზარები მზიდ კონსტრუქციებში, დაზიანებული სახურავი და არქიტექტურული დეკორი გამაგრებას და რესტავრაციას მოითხოვს. დაზიანებული მიწისვეშა გაყვანილობები, რომლებიც დინამოს სტადიონის ტერიტორიიდან მოდის და შენობის საძირკვლებს აზიანებს, 2016 წელს ნაწილობრივ შეკეთებულია პრინც კლაუსის ფონდის მხარდაჭერით. 

2016 წელს თბილისის განვითარების ფონდის დაკვეთით მოხდა მუზეუმის შენობის რეტავრაცია-რეაბილიტაციის პროექტის შედგენა. პროექტი დამტკიცებულია.
პროექტი ითვალისწინებს მზიდი კონსტრუქციების გამაგრებას, მიწისქვეშა კომუნიკაციების განახლებას, გადახურვის განახლებას, არქიტექტურული დეკორისა და ავეჯის რესტავრაციას, შენობის ტექნიკური ინფრასტრუქტურის განახლებას. პროექტის განხორციელების შემდეგ აბრეშუმის სახელმწიფო მუზეუმს საშუალება ექნება გამოიყენოს შენობის ყველა სათავსი, შენობაში მოძრაობა შესაძლებელი იქნება ბარიერების გარეშე, როგორც ეს თანამედროვე მოთხოვნებითაა გათვალისწინებული.


 
მუზეუმს და ბიბლიოთეკას არ გააჩნია ტემპერატურისა და ტენიანობის რეჟიმის მარეგულირებელი სისტემა.
კოლექციების და წიგნების შესანახი პირობები მეტად მძიმეა. გასათვალისწინებელია, რომ კოლექციების უმრავლესობა არა მხოლოდ ძველია (120-ზე მეტი წლისაა), არამედ წარმოადგენს ადვილად დაზიანებად მასალას.

მუზეუმს და მის ბიბლიოთეკას დღემდე არ აქვს საკმარისი სათავსები საცავების, დროებითი გამოფენების, სხვადასხვა სახის ტრეინინგების, ვორქშოპების, გაკვეთილების, ლექციებისა და შეხვედრების მოსაწყობად, თანამშრომლებისათვის სამუშაო პირობების შესაქმნელად. მუზეუმში არ არის გათბობა.


 
მუზეუმში ათწლეულების განმავლობაში არ წარმოებდა ექსპონატების სტანდარტული აღრიცხვა. 2008 წლიდან მუზეუმის თანამშრომლებმა მუშაობა დაიწყეს ამ პრობლემის მოსაგვარებლად, რაც ძალიან შრომატევადი და მრავალხნიანი პროცესია. დაახლოებით იგივე ვითარებაა ბიბლიოთეკაშიც. არსებული ძველი კატალოგი ვერ ქმნის წარმოდგენას ფონდში დაცული წიგნების შესახებ. ამჟამად მიმდინარეობს ელექტრონული კატალოგების შედგენა საერთაშორისო სტანდატების დაცვით.